Back حفل توزيع جوائز الأوسكار السابع والثلاثون Arabic Premios Óscar de 1964 AST Награди „Оскар“ (37-а церемония) Bulgarian Premis Oscar de 1964 Catalan Oscaruddelingen 1965 Danish Oscarverleihung 1965 German Βραβεία Αμερικανικής Ακαδημίας Κινηματογράφου 1964 Greek 37th Academy Awards English 37.ª edición de los Premios Óscar Spanish 37. Oscar Sariak Basque
 37ste Oscar-toekenningsaand
| ||
| Datum | 5 April 1965 | |
| Plek | Santa Monica-burgerouditorium, Santa Monica, Kalifornië | |
| Aanbieder | Bob Hope | |
| Pryse & benoemings | ||
| Beste rolprent | My Fair Lady | |
| Meeste pryse | My Fair Lady (8) | |
| Meeste benoemings | Mary Poppins (13) | |
Die 37ste Oscar-toekenningsaand is op 5 April 1965 deur die Academy of Motion Picture Arts and Sciences in Santa Monica, Kalifornië, gehou om erkenning te gee aan die rolprente van 1964. Die aanbieder was vir die agtste keer Bob Hope. ’n Oscar vir beste grimering is die eerste keer toegeken.
Al vier akteurspryse is gewen deur nie-Amerikaners – dit het eers weer in 2008 gebeur.
Die Oscar vir beste prent het gegaan aan My Fair Lady, wat jare lank ’n musiekblyspel in New York en Londen was. Die feit dat die aktrise in die hoofrol, Audrey Hepburn, nie ’n benoeming as beste aktrise gekry het nie, was omstrede. Waarskynlike redes was die ongewildheid van Hepburn as plaasvervanger van die aktrise in die oorspronklike blyspel, Julie Andrews (wat ironies dié aand die Oscar vir beste aktrise gewen het), sowel as die onthulling dat haar sang in die prent vervang is met dié van Marni Nixon.
Dit was die enigste keer in die geskiedenis dat drie rolprente 12 of meer benoemings gekry het. Becket en My Fair Lady het albei 12 gekry en Mary Poppins 13.